Ministri i Jashtëm rus, Sergei Lavrov, u detyrua të anulojë udhëtimin e tij në Serbi pasi disa vende e ndaluan avionin e tij të hynte në hapësirën e tyre ajrore.
Kremlini ka reaguar dhe e ka përshkruar veprimin nga Maqedonia e Veriut, Bullgaria dhe Mali i Zi si “veprim armiqësor”.
Lavrov ka folur për situatën, të cilën e ka cilësuar si “të paprecedentë”. “Ne ende nuk kemi marrë një shpjegim për vendimin”, tha ai.
Ai shtoi se homologu i tij serb është ftuar në Moskë dhe ai “shpreson se udhëtimi i tij nuk do të pengohet”.
Ndërkohë, zëdhënësi i Kremlinit Dmitry Peskov u tha gazetarëve se veprime të tilla mund të shkaktojnë probleme me takimet diplomatike të nivelit të lartë.
Megjithatë, ata nuk do ta pengojnë Moskën të mbajë kontakte me vendet mike, tha ai.
