Sonte pak pas orës 20:00 është hapur për komunikacion vendkalimi kufitar “Bogorodicë”, që ishte mbyllur pasi sot pasdite në afërsi të tij shpërtheu një zjarr, konfirmuan nga Ministria e Punëve të Brendshme.
Zjarri që shpërtheu në vendkalimin kufitar ndërmjet vendit Millc dhe vendkalimit kufitar Bogorodicë është lokalizuar dhe vendosur nën kontroll nga zjarrfikësit e Gjevgjelisë dhe punonjësit e NP “Komunalec”, të cilët me ndihmën e ushtrisë helikopterët arritën t’i zbusin flakët dhe t’i shpëtojnë objektet në shtegun drejt VK “Bogorodicë” nga një rrezik më i madh.
Për shkak të aktivitetit dhe veprimit të zjarrfikësve, nga energjia elektrike është shkyçur objekti i VK “Bogorodicë” dhe kalimi ishte përkohësisht i mbyllur për komunikacion për sigurinë e udhëtarëve dhe për të siguruar hapësirë për zjarrfikësit që të veprojnë, pasi zjarri i ishte afruar objektit të rojës kufitare të ARM -së, afër kazinos “Flamingo” dhe pikës së karburantit “Shimov”, i cili ishte momenti më i rrezikshëm dhe kritik i zjarrit të sotëm në zonën kufitare të Gjevgjelisë.
