Max Verstappen ka ndezur atmosferën para garës së fundit të këtij sezoni në Formula 1.
Piloti holandez, Verstappen, ka thënë se opinioni i tij për kampionin Lewis Hamilton dhe skuadrën e Mercedes ka ndryshuar këtë vit.
Anëtari i Red Bull thotë se ata i kanë lënë përshtypje të keqe dhe kështu ka një mendim më të keq për ta.
“Pak a shumë po”, ishte përgjigja e Verstappen, i pyetur nëse ka ndryshuar mendim për Hamilton, transmeton lajmi.net. “Dhe jo në një aspekt pozitiv”, shtoi holandezi.
Verstappen dhe Hamilton patën një garë të nxehtë vikendin e kaluar në Arabi, kur britaniku fitoi në fund. Mes tyre pati edhe një përplasje brenda pistës, nga e cila u penalizua holandezi.
Titulli i kampionit vendoset këtë vikend në Abu Dhabi, me dy pilotët që futen në garë me pikë të barabarta.
