Mesfushori në top formë këtë sezon i Premier Ligës është konfirmuar se do të humbasë dy ndeshjet e fundit kualifikuese për Botërorin “Katar 2022”.
Ylli i West Ham, Declan Rice është tërhequr nga skuadra e Anglisë për shkak të sëmundjes.
Mesfushori i West Ham do të humbasë tashmë ndeshjet kualifikuese të Kupës së Botës kundër Shqipërisë dhe San Marinos pasi nuk ka mundur të stërvitet që nga mbërritja në ‘St George’s Park’.
Anglia nuk planifikon të bëjë ndonjë shtesë të mëtejshme në skuadër.
Rice është anëtari i fundit i skuadrës së Anglisë që braktisi këtë kamp, pas Marcus Rashford të Manchester United dhe James Ward-Prowse të Southampton.
Mesfushori i Arsenalit, Emile Smith Rowe, 21 vjeç, i ka zëvendësuar ata, duke fituar thirrjen e tij të parë në skuadrën e parë angleze.
Në një deklaratë nga FA për Rice thuhet: “Duke mos qenë në gjendje të stërvitet për shkak të sëmundjes që nga raportimi në St George’s Park, mesfushori është rikthyer në West Ham United dhe nuk do të luajë asnjë rol në kualifikimet e ardhshme të Kupës së Botës FIFA.
“Asnjë shtesë në skuadër nuk është planifikuar në këtë moment në kohë.”
Mason Mount i Chelseat dhe Luke Shaw i Manchester United nuk janë stërvitur dhe të dy do të mungojnë në ndeshjen me Shqipërinë më 12 nëntor.
Të gjithë 21 lojtarët e mbetur në dispozicion ishin në stërvitje të enjten, pasi kishin kaluar testet e mandatuara të UEFA-s për Covid.
