Kryeministri i Maqedonisë Veriore, Zoran Zaev, tha se “maqedonasit nuk i përvetësuan historinë e huaj”, por se ish-kryeministri Nikola Gruevski dhe elitat e tij politike filluan një ofensivë mediatike për të justifikuar “inxhinierinë e identitetit”.
Marketing
Sipas televizionit Sitel, Zaev e shkroi këtë në profilin e tij në Facebook, pas publikimit të një interviste për televizionin grek Alfa, në të cilin tha se maqedonasit kishin përvetësuar historinë e huaj, ballkanike dhe botërore në llogarinë e tyre.
“Jo populli maqedonas, por Gruevski dhe propaganda e tij kryen propagandë të inxhinierisë së identitetit, për të mbjellë diçka që nuk është e natyrshme dhe as nuk është pjesë thelbësore e rrënjës kombëtare maqedonase”, shkroi Zaev në Facebook.
