Kryeministri i Maqedonisë së Veriut Zoran Zaev, në një intervistë për “tanjug.rs”, ka deklaruar se Maqedonia nuk ka alternativë tjetër pos BE-së.
Zaev theksoi se vendimi eventual për mosmarrjen e datës, mund ta shkatërrojë qeverinë e tij.
Ai tha se për shkak të anëtarësimit në BE, Maqedonia e Veriut e ka ndërruar emrin dhe ka nënshkruar marrëveshje me Bullgarinë dhe Greqinë.
“Ne shpresojmë. Nuk ka asnjë vend anëtare e BE-së që ka ndonjë vërejtjeje për ne, nuk ka arsye, problem është ky diskutimi i BE-së për nevojën e reformave që është shumë e rëndësishme andaj edhe pres që reformat mund të fillojnë në BE ndërsa procesi i zgjerimit të filloj me Republikën e Maqedonisë së Veriut, dhe me Shqipërinë, kjo është shumë e rëndësishme që të vazhdohet me impulsin e motivimit ndaj Ballkanit Perëndimorë. Alternativë për ne nuk ka, ne nuk mund të heqim dorë nga BE-ja sepse BE-ja është ardhmëria jonë”.
“Sipas gjitha gjasave do të shkatërrohet qeveria në Republikën e Maqedonisë së Veriut, do të vijë dikush tjetër dhe do ta vazhdoj atë rrugë. Sepse ne pikërisht për anëtarësim në Bashkimin Evropian kemi ndërruar dhe emrin, kemi arritur Marrëveshje me Bullgarinë dhe Greqinë, kemi shënuar përparim në marrëdhëniet me Serbinë, me Shqipërinë, me Kosovën, që janë fqinjët tanë”, deklaroi kryeministri Zoran Zaev.
