Kryeministrat e Maqedonisë së Veriut dhe Shqipërisë, Zoran Zaev dhe Edi Rama, dhe presidenti i Serbisë, Aleksandar Vuçiq, në një artikull për gazetën gjermane “Frankfurter Allgemeine Zeitung” (FAZ), i kanë bërë thirrje Qeveria e re gjermane do të mbështesë iniciativën “Ballkani i Hapur”, njofton korrespondenti i MIA-s nga Beogradi.
“Ne shpresojmë se Qeveria e re në Gjermani do të pranojë dhe mbështesë nismën e Ballkanit të Hapur si një kontribut për zbatimin e plotë të procesit të Berlinit”, thanë tre liderët për “Dojçe Vele”.
Në këtë artikull, ata theksuan se Evropa nuk është vetëm një kontinent, por edhe një vizion, por vlerësuan se qytetarët e Ballkanit Perëndimor “të cilët janë një pjesë e rëndësishme e kontinentit dhe ai vizion” janë përjashtuar dhe injoruar për një kohë të gjatë.
“Dëshira e qytetarëve tanë për t’u pranuar nga anëtarët e BE-së është penguar disa herë – nga politikat e brendshme të shteteve anëtare, mospërmbushja e premtimeve dhe frika për të ardhmen. Kjo ka sjellë zhgënjim, paqëndrueshmëri, emigracion dhe mungesë të investimeve të mëdha. Si udhëheqës politikë të këtyre vendeve, ne ose mund të ankohemi – ose të bëjmë diçka për këtë. Ne vendosëm për këtë të fundit”, thuhet në tekstin me titull “Perspektiva për Ballkanin” të nënshkruar nga Zaev, Vuçiq dhe Rama.
Tre liderët në tekst rikujtojnë se në nëntor të vitit 2019 ata nënshkruan një marrëveshje paraprake në mbështetje të Procesit të Berlinit, duke marrë përgjegjësinë për një bashkëpunim më të thellë në rajon.
Liderët ballkanik shpjegojnë se nisma e “Ballkanit të Hapur” është dëshmuar efektive dhe e dobishme në tejkalimin e kohërave shumë të vështira të pandemisë.
Duke shprehur shpresën se Qeveria e re në Gjermani do të pranojë dhe mbështesë nismën e “Ballkanit të Hapur”, të tre liderët theksuan se disa krerë shtetesh dhe qeverish të vendeve evropiane dhe qeveria amerikane kanë shprehur tashmë mbështetjen e tyre, si dhe mbështetjen e sipërmarrësve, bujqve dhe studentëve nga i gjithë Ballkani Perëndimor.
Zaev dhe Vuçiq do të mbërrijnë sot në Shqipëri për Samitin dyditor në kuadër të nismës “Ballkani i Hapur”, ndërsa sonte në Elbasan do të organizohet një darkë me kryeministrin e Shqipërisë Edi Rama.
