Policia gjermane raportohet se e posedon një letër (email), ku thuhet se është tregimi i njërit prej të dyshuarve për vrasjen e boksierit nga Kosova, Besar Nimani.
Sipas gazetës Westfalen-Blatt, thuhet se Ayman Krit, e pranon vrasjen e 33-vjeçarit.
Me këtë rast, hetuesit që po punojnë për zbardhjen e ngjarjes së rëndë e kanë këtë email.
Por, ende nuk dihet nëse kjo letër e njërit prej atentatorëve, është autentike.
“E rreme apo e vërtetë? Doli letra e rrëfimit për vrasjen e Besar Nimanit”, është titulli i Westfalen-Blatt transmeton Klankosova.tv
Në mbrëmjen e 9 marsit, boksieri profesionist nga Kosova Besar Nimani, u vra në Bielefeld të Gjermanisë.
Nimani vdiq në vendin e ngjarjes nga plagët e marra.
Dy nga të dyshuarit janë ende në arrati, derisa njëri nga ta u dorëzua në polici.
Dëshmitarët i thanë Radio Bielefeld se ishin në një kafene në Obernstrasse përpara se të kryenin krimin, ndërkohë që viktima kishte dalë nga një parkueri kur u qëllua.
38-vjeçari edhe në vitin 2013 ishte viktimë e një sulmi të tillë, në atë kohë ai u qëllua në një qebaptore në kryqëzimin e Feilenstrasse dhe Bahnhofstrasse.
Ai kishte marrë plagë në kofshë dhe gju.
Nimani ishte me origjinë kosovare-shqiptare, në vitin 1997 ai u zhvendos në Bielefeld.
Boksieri fitoi titullin evropian në peshën e mesme të lehtë dhe humbi vetëm një herë në karrierën e tij profesionale.
Dy ditë pas vrasjes së boksierit nga Kosova, janë publikuar edhe fotot e dy autorëve të dyshuar.
Mediat raportojnë se bëhet fjalë për shtetasit Ayman Dawoud Kirit dhe Hüseyin Akkurt.
Me këtë rast, policia dhe prokuroria gjermane ka kërkuar ndihmë nga ana e qytetarëve për gjetjen e tyre.
“Ayman Dawoud Kirit dhe Hüseyin Akkurt dyshohet se kanë qëlluar në rrugë një 38-vjeçar nga Bielefeld të shtunën, 9 mars 2024”, thuhet në raportin e përbashkët të policisë dhe prokurorisë gjermane.
Besar Nimani u varros të enjten e kaluar më 14 mars në Bielefeld të Gjermanisë.
