Migjen Basha konfirmoi edhe largimin nga Arisi i Selanikut.
Vetëm disa javë pasi komunikoi lamtumirën e tij nga Kombëtarja shqiptare, Migjen Basha konfirmoi edhe largimin nga Arisi i Selanikut.
Mesfushori shqiptar edhe pse kishte kontratë deri në fund të sezonit me skuadrën greke, ditën e martë zyrtarizoi pirshjen me konsensus të marrëveshjes duke u shndërruar në një lojtar të lirë në treg.
Fillimisht u aludua për një kalim të mundshëm te Tirana por ky lajm nuk ishte aspak i vërtetë pasi e ardhmja e Bashës do të jetë në një tjetër kontinent.
Sipas mediave të huaja ish-mesfushori i Torinos do të transferohet te Melbourne Victory në kampionatin austrialian aty ku ka lënë gjurmë një tjetër futbollist shqiptar pikërisht Besart Berisha i cili për momentin është gjithashtu lojtar i lirë si Basha dhe është në kërkim të një skuadre të re në Australi, transmeton “SS”.
Fakti që 33-vjeçari është shumë pranë transferimit në një kontinet të largët si Australia ka ndikuar edhe në zgjedhjen e tij për t’u tërhequr nga kombëtarja shqiptare pasi udhëtimet Australi-Shqipëri do t’i merrnin shumë kohë dhe do të rezultonin shumë të lodhshme për Migjenin.
