Zelensky viziton ushtarët e plagosur: Dhurata më e mirë do të jetë fitorja jonë e përbashkët

13/03/2022

Presidenti ukrainas, Volodymyr Zelensky ka vizituar këtë të diele ushtarët e plagosur të cilët po trajtohen në një nga spitalet në Ukrainë.

Marketing

Ai ka shkuar në spital bashkë me disa nga ministrat e kabinetit qeveritar dhe ushtarë të armatosur, të cilët kujdeseshin për sigurinë e tij.

Në një video të publikuar nga vetë Zelensky në rrjetet sociale, shihet teksa ai falënderon ushtarët dhe iu dhuron atyre dekorata.

Vlerësimet nuk kanë munguar as për mjekët dhe infermierët të cilët po kujdesen për të plagosurit.

“Shërim të shpejtë djema, besoj se dhurata më e mirë do të jetë fitorja jonë e përbashkët”, shkroi Zelensky mbi videon e publikuar.

Ndryshe sot shënon dita e 18 me radhë që nga fillimi i agresionit rus mbi Ukrainën.