Zëvendëskryeministri dhe ministri Stoilkoviq me mesazh urimi me rastin e 22 Nëntorit – Ditës së Alfabetit Shqip
“Kjo ditë rikujton pasurinë e diversitetit dhe rëndësinë e ruajtjes së vlerave gjuhësore dhe kulturore të të gjitha bashkësive etnike që jetojnë në vend. Një përkujtim që Republika e Maqedonisë së Veriut, pavarësisht se jetojmë në një kohë komplekse, vazhdon të mbetet shembull i bashkimit, respektit dhe mirëkuptimit të ndërsjellë mes qytetarëve, ndaj duke festuar Ditën e Alfabetit Shqip, ne konfirmojmë edhe një herë përkushtimin tonë për të ruajtur bashkëjetesën në një shoqëri multietnike dhe shumëgjuhëshe. Gjuha është mjet dhe identitet i fuqishëm i një populli. Gjuha është element i përgjithshëm lidhës i të gjitha kulturave njerëzore. Mjet që bashkon dhe mundëson përparim, por në të njëjtën kohë edhe përkujtues se pavarësisht dallimeve tona, ne ndajmë të njëjtin fat dhe duhet të ndërtojmë të ardhmen e përbashkët. Të gjithë pjesëtarëve të bashkësisë etnike shqiptare ua uroj Ditën e Alfabetit Shqip”.
