Kryeministri i Kosovës, Albin Kurti si dhe presidenti serb, Aleksander Vuçiq do të takohen më 4 maj në Berlin.
Takimi i tyre do të ndodhë me ftesë të Kancelarit Gjerman, Olaf Scholz, shkruan lajmi.net.
Në Berlin do të jetë i ftuar edhe emisari i BE-së për dialogun, Miroslav Lajçak.
Kjo u bë e ditur, siç citon Klan Kosova me anë të një njoftimi për media nga Qeveria gjermane.
“Kancelari Scholz do të pret në takim kryeministrin e Republikës së Kosovës, Albin Kurti dhe presidentin serb Aleksandar Vuçiq”, thuhet në njoftim.
“Bisedimet do të shërbejnë gjithashtu për të mbështetur dialogun Kosovë-Serbi të udhëhequr nga BE-ja. Për këtë, kancelari ka ftuar në Berlin, Përfaqësuesin Special të BE-së, Miroslav Lajçak, i cili në mbrëmjen e 4 majit do të zhvillojë bisedime me presidentin serb dhe kryeministrin kosovar”, thuhet tutje në njoftimin e tyre.
