Pas rënies marramendëse të vlerës së lirës, sot monedha turke ka shënuar një rritje të lehtë. Situata kritike ekonomike në Turqi është për shkak të përkeqësimit të marrëdhënieve mes Uashingtonit dhe Ankarasë.
Kontesti diplomatik i Turqisë me Shtetet e Bashkuara rezultoi në dyfishimin e doganave të SHBA-ve për eksportin e çelikut dhe aluminit nga Turqia. Problemi që merr një shkallë globale nuk do ta tejkalojë Maqedoninë. Në gjashtë muajt e parë të këtij viti, vendi ynë në Turqia ka eksportuar mallra me vlerë prej 48 milionë dollarë.
Nga Ministria e Ekonomisë sigurojnë se ata po monitorojnë nga afër situatën. Ministri Kreshnik Bekteshi nuk pret që një luftë diplomatike midis Donald Trumpit dhe Rexhep Tajip Erdoganit të ndikojë në ekonominë e brishtë maqedonase.
Ekonomistët që kanë ndjekur marrëdhëniet tregtare SHBA-Turqi për një kohë të gjatë besojnë se lufta e heshtur diplomatike zgjat për një kohë të gjatë. Rënia e lirës nuk ndodhi brenda natës, në goditje përveç ekonomisë së Maqedonisë do të jetë edhe ekonomia evropiane”- tha Kreshenik Bekteshi, Ministër i Ekonomisë.
Republika e Maqedonisë nuk mund të mos pësojë, sepse është mjaft e lidhur me ekonominë turke. Kompanitë turke në pronësi të shtetit, përfshirë bankat shtetërore si Halk Bank dhe bankat e tjera ku kapitali është definitivisht në pronësi të shtetit dhe ku mjetet e “Xhevahirit” që i ndërton kullat janë nga resurse të mëdha shtetërore dhe mjete për të investuar jashtë vendit, do të ndikojnë mbi ne, është e pamundur të mos ndikojë” -deklaroi Goran Rafajlovski, analist ekonomik.
Banka Qendrore Turke ka njoftuar masat për të parandaluar më tej dobësimin e lirës. Ndër të tjera, njoftoi masa për rritjen e likuiditetit të bankave. Presidenti turk qëndroi fort pas vendimit për të mos rritur normat e interesit të referencës që do të ngadalësonin drejtpërdrejt rritjen ekonomike.
Një pjesë e mediave turke njoftuan se vendi do ti bojkotojë prodhimet elektronike amerikane. Lufta Ankara- Uashington u ashpërsua pas arrestimit të pastorit amerikan Endrju Bronson nga autoritetet turke.
