Kryetari i Kuvendit të Republikës së Maqedonisë së Veriut, Talat Xhaferi realizoi takim pune me ambasadorin e Republikës së Sllovakisë në Republikën e Maqedonisë së Veriut, SH.T. Henrik Markush, i cili së pari i uroi Kryetarit Xhaferi për miratimin e suksesshëm të ndryshimeve të Kushtetutës, si faktor kryesor për procesin e mëtejshëm të integrimit të vendit në bashkësinë e NATO-s.
Temë e bisedës ishin edhe aktivitetet tjera të Kuvendit që dalin si obligime nga Marrëveshja e Prespës. Në këtë u ndërlidh kryetari Xhaferi dhe konfirmoi se në mënyrë intensive punon në përmbushjen e qëllimeve strategjike të Republikës së Maqedonisë së Veriut. Ai potencoi se për punën e suksesshme kanë kontribuuar të gjitha subjektet politike, ndërsa me rëndësi të madhe e potencoi mbështetjen e miqve ndërkombëtarë.
Ambasadori Markush e potencoi mbështetjen e fuqishme nga ana e Republikës së Sllovakisë në aspiratën e Republikës së Maqedonisë së Veriut drejt anëtarësimit të plotë në aleancën e NATO-s dhe Bashkimin Evropian.
Ky takim ishte nga vargu i takimeve protokollare me ambasadorët e vendeve anëtare të NATO-s.
