Tanimë dihet që mishi i kuq, produktet që përmbajnë shumë yndyrë dhe sheqer janë shkaku numër një i problemeve shëndetësore dhe shumë sëmundjeve serioze. Gjithsesi, shumica prej nesh i mbajmë këto ushqime në frigorifer dhe i konsumojmë gati se çdo ditë.
Sipas WEBmed, lista e ushqimeve, të cilat zakonisht i mbajmë në frigorifer dhe janë të dëmshme për shëndet janë:
Majoneza- Ka përqindje të lartë të yndyrës prandaj është shumë e dëmshme për organizmin. Është e këshillueshme që të shmanget përdorimi i majonezës, mirëpo nëse jeni adhurures të saj, atëherë së paku reduktoni sasinë e konsumit.
Mishi i përpunuar- Sipas shumë studimeve të bëra deri më tani, mishi i përpunuar duke përfshirë virshllet, sallamin dhe produktet e tjera të tij, janë shkaktari numër një i disa llojeve të kancerit. Duke marrë parasysh që konsumimi i mishit është shumë i lartë, është e rëndësishme që të keni parasysh rreziqet që ai shkakton dhe të reduktoni përdorimin e tij.
Salcat- Padyshim që janë shtesa të shkëlqyera për sallatat dhe pastat, mirëpo përmbajtja e tyre është shumë e dëmshme për shëndetin. Në vend të këtyre salcave provoni të përdorni vajra të ndryshëm bimorë, të cilët nuk kanë dëme shëndetësore.
Margarina- Është lloji më i dëmshem i yndyrnave. Përdorimi i saj shkakton rritjen e nivelit të kolesterolit në gjak, prandaj nuk rekomandohet sidomos për njerëzit që kanë probleme me zemër.
Patatinat- Shumica prej nesh, i shohin patatinat si një “snack”’ të shkëlqyer për t’u konsumuar pas darkës dhe i mbajmë në shtëpi. Një porcion i vogël i tyre përmban më shumë se 11 gramë yndyrë dhe acide të ngopura yndyrore, të cilat kanë një efekt të tmerrshëm për shëndetin.
Produktet e tjera, që nuk duhet konsumuar shpesh dhe ekspertët këshillojnë të mos i mbani në frigorifer janë: pijet me gaz, tortat, dhe produktet e qumështit më shumë yndyrë.
