Ka momente që ajri i shtëpisë të duket i rëndë, sikur të merr frymën.
Përzierja e aromave të pakëndshme zaptojnë çdo cep të shtëpisë dhe kanë nevojë për zgjidhje të menjëhershme.
Shëndeti shpesh fillon nga shtëpia, ndaj këtu do të mësoni si ta pastroni cilësinë e ajrit, duke shmangur kështu alergjitë dhe problemet me frymëmarrjen.
Përdorni produkte pastrimi me sa më pak kimikate
Kurseni para, mund dhe kohë duke përdorur alternativa natyrale pastrimi.
Lëngjet spërkatëse kimike e mbushin ajrin me toksina të dëmshme.
Desinfektoni shtëpinë me uthull të bardhë, limon ose sodë buke.
Shtëpia ka nevojë për ajër
Mos e ktheni shtëpinë në një kosh sendesh shpesh të panevojshme.
Shtëpia duhet të jetë e dekoruar thjeshtë dhe nuk duhet të jetë e tejngopur me orendi.
Hiqni lodrat e pellushit, qilimat ose tapiceritë.
Nëse nuk hiqni dot dorë prej tyre lajini rregullisht.
Nëse mbani kafshë shtëpiake, jini të vëmendshëm ndaj higjienës së tyre.
Ventilimi është thelbësor
Ajri duhet të qarkullojë në çdo cep të shtëpisë.
Hapini dyert dhe dritaret për të paktën 20-30 minuta në ditë në një orë të caktuar kur ka më pak lëvizje dhe ndotje jashtë.
Bëjeni këtë çdo ditë që të ruani freskinë e ajrit.
Kujdes me lagështinë
Lagështia në mure apo tavan nuk shkakton vetëm aroma të këqija.
Ajo është shkaktare e drejtpërdrejtë e problemeve me lëkurën dhe frymëmarrjen.
Ajroseni shtëpinë dhe përdorni uthullën dhe limonin për të mbajtur mykun nën kontroll.
Bimët nuk duhet të mungojnë
Përzgjidhni bimë që pastrojnë ajrin në mënyrë natyrale dhe që rikthejnë harmoninë e shtëpisë.
Ju rekomandojmë të merrni bambunë, fierin, orkidetë, zambakun, gerberën e të tjerë.
Këto rekomandime duhet t’i ndiqni për të pasur një shtëpi të ajrosur e të shëndetshme.
