Kabineti qeveritar i udhëhequr nga kryeministri Zoran Zaev për mbledhjen e 171 qeveritare sot zhvendoset në Kumanovë. Kjo praktikë e mbajtjes së mbledhjeve periferike deri tani është zhvilluar në disa komuna, së fundi në Tetovë.
Marketing
Në këtë mbledhje qeveritare ku do të jetë i pranishëm edhe kryetari i komunës së Kumanovës, kryetari i Likovës dhe kryetar të komunave tjera fqinje, prioritet do të kenë informacionet dhe vendimet për projektet dhe prioritetet për komunën e Kumanovës, dhe komunat përreth. Ministrat e kabinetit qeveritar gjatë ditës do të qëndrojnë në terren, për tu njohur me nevojat e komunave, sidomos Kumanovës dhe projektet që do të marrin përkrahje.
