Instituti Kombëtar i Shëndetësisë Publike në Kosovë (IKSHPK) ka raportuar të enjten për 16 persona të vdekur si pasojë e koronavirusit të ri, duke e çuar numrin total të tyre në 212.
Marketing
Kjo njëherësh është shifra më e lartë e raportuar e viktimave të lidhura me sëmundjen Covid-19, që shkakton koronavirusi në 24 orë në territorin e Kosovës.
Ky Institut ka njoftuar edhe për 258 raste të reja të të infektuarve, si dhe për 196 pacientë të shëruar brenda një dite.
Prej raportimit të rasteve të para me koronavirus në Kosovë më 13 mars, numri i të prekurve me Covid-19 ka arritur në 8,104.
Prej tyre, 4,463 persona janë shëruar.
