Banorët e një pjese të komunës së Vushtrisë janë evakuuar, pasi lumi Sitnica ka dalë nga shtrati, njoftoi kryetari i komuns, Xhafer Tahiri.
Forca e Sigurisë së Kosovës ka ndihmuar për evakuimin e banorëve, pasi gjendja është e “rënduar.”
Tahiri përmes një postimi në Facebook ka bërë të ditur se vërshimet e lumit kanë rënduar gjendjen e ekonomive familjare dhe banorëve.
“Vushtrria sot është zgjuar me vërshime nga lumi Sitnica dhe gjendje të rënduar të ekonomive familjare dhe banorëve në pjesën e qytetit, afër lumit Sitnica.
Ekipet emergjente, mjekësore dhe FSK kanë evakuuar banorët. Po bëjmë përpjekje maksimale për të ju dalur në ndihmë, gjendja është e rënduar edhe tani,” ka shkruar ai.
Ai ka thënë se po bëhen përpjekje maksimale për t’i dalë në ndihmë banorëve dhe do të kërkohet nga Qeveria kompensim i dëmeve.
“Do të kërkojmë nga Qeveria kompensim të dëmit banorëve.“
“Shkolla fillore Naim Frashëri në qytet është duke u bërë gati për strehim për qytetarët që kanë nevojë.“
“Zoti na ndihmoftë, ” shkruan Kryetari i komunës në njoftimin e tij.
