Julia Roberts ka blerë një rezidencë të vjetër në lagjen Presidio Heights të San Françiskos, për 8.3 milion dollarë.
Sipas “Manison Global”, shtëpia me pesë kate, e projektuar në 1907 nga Sylvain Schnaittacher, ka afërsisht 6,245 metra katror hapësirë për të jetuar, duke përfshirë pesë dhoma gjumi dhe katër tualete. Ajo ka një çati të pjesshme me pllaka, një kopsht me pamje nga veriu, një garazh me dy makina dhe një dhomë vere me 1,000 shishe.
Roberts, është nominuar për katër çmime “Academy” dhe ka fituar çmimin e aktores më të mirë për interpretimin e saj në “Erin Brockovich” (2000).
Shitësi ishte Brodie Cobb, i cili e bleu shtëpinë për 1.88 milion dollarë në 1997, tregojnë të dhënat e pronës.
Rimodeluar nga projektuesi i brendshëm John Wheatman, kati i parë i shtëpisë ka një holl të madh me dritare të mëdha, një dhomë ndenjeje, një dhomë ngrënieje dhe një dhomë familjare që ka vatra zjarri, si dhe një kuzhinë dhe një bar.
Ka katër dhoma gjumi dhe dy banja në katin e dytë. Në katin e tretë ndodhet suita e dhomës së gjumit, e cila ka një ballkon dhe dritare me pamje nga “Golden Gate Bridge” dhe “San Francisco Bay”.
