Një burrë është urdhëruar të paguajë 12 milionë dollarë për rolin në djegien e një stacioni policor në Minneapolis gjatë protestave të vitit të kaluar.
Gjoba për Dylan Shakespeare Robinson, 23, i cili u deklarua fajtor për një akuzë për zjarrvënie të qëllimshme në dhjetor, do të pasojë një dënim me katër vjet burg.
Avokati i Robinson ka thënë “nuk ka asnjë mundësi reale” që klienti të jetë në gjendje të përballojë gjobën.
Tre burra të tjerë të cilët gjithashtu u deklaruan fajtorë do të dënohen në një datë të mëvonshme, raporton bbc.
Në maj të vitit të kaluar, mijëra njerëz dolën në rrugët e Minneapolis për të protestuar ndaj vdekjes së George Floyd që ndodhi ndërsa ishte në arrest policie.
Oficeri i policisë së Minneapolis, Derek Chauvin, i cili më vonë u pushua nga puna dhe u shpall fajtor për vrasje, u filmua duke i vënë këmbën në qafë afro-amerikanit, Floyd për më shumë se nëntë minuta gjatë arrestimit të tij.
