Ministria e punws dhe politikws sociale informoi se rritja e pagës minimale do të jetë për 12,55 për qind, gjegjësisht nga muaji mars paga minimale do të jetë 20.175 denarë.
“Kjo do të thotë se qytetarët marrin paga më të larta për mbi 2000 denarë”, thuhet nw komunikatw. Me ndryshimet në ligjin për pagën minimale, të miratuar në mars 2022, u vendos një metodologji e re, e cila është zgjidhje sistematike dhe që nënkupton rritje të vazhdueshme të pagës minimale. Çdo vit në muajin mars, paga minimale rregullohet sipas të dhënave të Entit Shtetëror të Statistikave, përkatësisht 50% e rritjes së kostos së jetesës dhe 50% e rritjes së pagës mesatare nga viti i kaluar.
“Nga viti 2017 kemi rritje të vazhdueshme të pagës minimale, në vitin 2017/2018 në 12.000 denarë, në vitin 2019 në 12.507 denarë, në vitin 2020 në 14.500 denarë, në vitin 2021 në 15.194 denarë. Në mars të vitit 2022, paga minimale arriti në 18.000 denarë, për dallim nga viti 2016, kur paga minimale ishte 10.080 denarë. Në mars të vitit 2023, paga minimale do të arrijë në 20.175 denarë, që është mbi 10.000 denarë më shumë, thuhet në njoftimin e Ministrisë së punws dhe politikws sociale.
