Raportimet për një përparim ukrainas në vijën e parë të luftës janë mohuar nga Rusia – edhe pse pretendimi është bërë nga burime pro-ruse.
Yevgeny Prigozhin, kreu i grupit mercenar Wagner që luftonte në anën ruse, akuzoi trupat e rregullta ruse për braktisjen e pozicioneve rreth Bakhmutit, shkruan BBC, transmeton Klan Kosova.
Blogerët ushtarakë rusë raportuan për përparimet e Ukrainës ose lëvizjet e trupave në disa zona të enjten.
Por, Kremlini mohoi se Ukraina kishte bërë ndonjë përparim të rëndësishëm.
Në një deklaratë, Ministria e Mbrojtjes e Rusisë tha: “Deklaratat individuale në Telegram për një “përparim” në disa pika në vijën e frontit nuk korrespondojnë me realitetin.
“Situata e përgjithshme në zonën e operacionit special ushtarak është nën kontroll”, shtoi ai, duke përdorur termin rus për pushtimin.
Presidenti i Ukrainës tha më herët se ishte shumë herët për të filluar një kundërofensivë.
“Me [atë që kemi tashmë] ne mund të shkojmë përpara dhe, mendoj, të jemi të suksesshëm”, tha Presidenti Volodymyr Zelensky në një intervistë për transmetuesit e shërbimit publik që janë anëtarë të Eurovision News, si BBC.
