Nga Ministria e Drejtësisë për TV21 bëjnë të ditur se nesër do të nënshkruhet udhëzimi me çka do të vendoset përkatësia etnike në certifikatën lindjes, certifikatën e kurorëzimit dhe certifikatën e vdekjes, transmeton TV21. Nga Ministria e Drejtësisë thonë se zbatimi i udhëzimit për certifikatën e lindjes do të hyjë në fuqi 8 ditë pasi të publikohet në Gazetën Zyrtare, ndërsa për dy certifikatat tjera do të bëhet pasi të nxirren dokumentet e reja me emrin e ri të shtetit, në mënyrë që qytetarët mos të kenë implikime financiare shtesë.
“Gjatë ditës së nesërme do të nënshkruhet udhëzimi i ri, me çka do të ketë ndryshime në certifikata, ku do të vendoset përkatësia kombëtare, dhe atë: në certifikatën lindjes, certifikatën e kurorëzimit dhe certifikatën e vdekjes. Me këtë do mundësohet që me dokument zyrtar të dëshmohet përkatësia kombëtare!”, thonë nga Ministria e Drejtësisë.
