Një virus i ri është zbuluar në një pjesë toke në fundin e oqeanit në thellësinë më të madhe të vendit, nga ana e studiuesve kinezë.
Patogjeni u gjet në një sediment 5 milje nën nivelin e detit në Hendekun Mariana, pika më e ulët në tokë në Oqeanin Paqësor dhe në jug të Japonisë.
Virusi i ri është identifikuar si vB_HmeY_H4907 dhe analiza e ekipit tregon se ka një strukturë të ngjashme me bartësin e tij.
“Kudo që ka jetë, mund të vini bast se ka rregullatorë në punë“, tha Min Wang, një virolog detar në Universitetin e Kinës dedikuar studimeve oqeanike në Qingdao, i cili drejtoi operacionin e kërkimit.
Virusi është një bakteriofag, që do të thotë ‘ngrënës i baktereve’ dhe mbijeton duke infektuar dhe duke u riprodhuar brenda baktereve.
Sipas ekspertëve virusi është zakonisht i padëmshëm për qelizat njerëzore pasi ato nuk i njohin ato si pre e tyre.
Sipas raportit, bakteret, të cilat janë të infektuara nga virusi, zakonisht gjenden në sedimente thellë në oqean dhe në vrimat hidrotermale ose në shtratin e detit kur lëshojnë rrjedha të ujit të nxehtë.
“Në njohuritë tona më të mira, ky është virusi më i thellë i njohur dhe i izoluar në oqeanin global“, tha Wang.
Sipas Wang, një analizë e materialit gjenetik të virusit sugjeron ekzistencën e një familjeje virale në oqean që nuk njihej më parë.
