Një djalë 14 vjeçar mbrëmë rreth orës 19:30 është gjetur pa shenja jete me plagë të shumta thike dhe gjakderdhje të jashtme në qendër të Prilepit në trotuarin e bulevardit “Goce Dellçev” përballë Shtëpisë së Kulturës “Marko Cepenkov”. Ai nuk dha shenja jete dhe u dërgua në spitalin e qytetit, ku të gjitha përpjekjet për reanimacion ishin të pasuksesshme.
“Në orën 19:35 morëm thirrje për ndërhyrje në bulevard. Konstatuam se personi kishte më shumë gjakderdhje të jashtme, nuk jepte asnjë shenjë jete. Ishte transferuar në repartin e anestezisë dhe reanimacionit në spitalin e qytetit, por të gjitha përpjekjet për reanimim ishin të pasuksesshme”,deklaroi mjeku kujdestar në Shërbimin e Urgjencës në Prilep.
Policia dhe prokurori themelor publik kanë bërë ekspertizë. Është urdhëruar autopsia në trupin e 14-vjeçarit.
“Ngjarja tragjike ka ndodhur mes orës 19:00 dhe 20:00. Sipas informacioneve fillestare, djali është sulmuar me një mjet të mprehtë, ende nuk dihet nëse nga një apo më shumë persona. Është sulmuar para objektit “Nëntëkatësh” në qendër të Prilepit. Ai është gjetur me plagë shumë të përgjakshme me thikë në trotuarin e bulevardit “Goce Dellçev”, me gjasë ka tentuar të largohet nga vendi i sulmit. Është urdhëruar një autopsi për të përcaktuar shkakun e vdekjes”, tha prokurori themelor publik Stevço Binoski.
