25 vite nga hiti “Can’t Get You Out Of My Head”, artistja e njohur rikthen look-un e këngës

Këngëtarja australiane pozoi me një veshje që të sjell menjëherë në mendje pamjen e saj të famshme nga videoklipi i hitit që sapo kaloi 1 miliard transmetime në Spotify.

Kylie Minogue ka rikthyer një prej pamjeve më ikonë të karrierës së saj, teksa feston një tjetër rekord të madh për “Can’t Get You Out Of My Head”.

Ylli australian, 58 vjeç, ndau disa fotografi të rralla nga periudha e realizimit të videoklipit, ndërsa në imazhet e publikuara bie në sy stili që e bëri këngën të paharrueshme.

Me një veshje të bardhë, të ngjashme me atë që fansat e kanë lidhur prej vitesh me videoklipin, Kylie duket sikur është kthyer pas në kohë, duke rikrijuar atmosferën e fillimit të viteve 2000.

Pamja e saj është veçanërisht e njohur për fansat, pasi “Can’t Get You Out Of My Head” u shndërrua në një prej videoklipeve më ikonë të karrierës së saj, me veshjet e guximshme dhe stilin futurist që karakterizonte atë periudhë.

Rikthimi i look-ut vjen pikërisht në momentin kur kënga ka arritur një tjetër sukses historik: ajo ka kaluar 1 miliard transmetime në Spotify, 25 vite pas publikimit të saj.

“Faleminderit të gjithëve në mbarë botën që e keni transmetuar, kënduar, kërcyer dhe dashur!”, shkroi Kylie në rrjetet sociale.

Ajo publikoi gjithashtu fotografi nga përgatitjet për videoklipin, duke kujtuar kohën kur provonte veshjet dhe pamjen që do të përdorej në xhirime.

“Dikush t’i tregojë asaj se ka arritur një miliard”, shkroi këngëtarja me humor.

E publikuar më 8 shtator 2001 si pjesë e albumit “Fever”, kënga u rendit në vendin e parë në më shumë se 40 shtete dhe u kthye në një nga hitet më të mëdha të Kylie Minogue.

Sot, më shumë se dy dekada më vonë, jo vetëm muzika, por edhe look-u i saj ikonë vazhdon të mbetet i paharrueshëm.