Fjalimi i Guardiolës për Reijnders bëhet “viral”: “A do një tjetër sezon si te Milani, jashtë Europe?!”
Reijnders dukej i destinuar të përjetonte sezonin e shpërthimit përfundimtar në Premier League. Pas transferimit nga Milani te Manchester City për 70 milionë euro, ai synonte të afirmohej në kampionatin më të pasur dhe më tërheqës në botë. Por gradualisht humbi hapësirë dhe shkëlqimin, deri sa zgjodhi të transferohej tek Al Qadsiah në Arabinë Saudite.
Fjalët e Pep Guardiolës, të zbuluara në dokumentarin “A Beautiful Obsession”, dëshmojnë për një marrëdhënie të vështirë mes tyre. Përpara gjithë skuadrës, trajneri katalanas i tha mesfushorit: “Do ta përjetosh përsëri sezonin e fundit që pate te Milani, atë në të cilin nuk u kualifikove në Europë? E do këtë? Do të bësh këtë?”
Më pas Guardiola shtoi: “Mbajeni mend: nëse doni ta jetoni ose ta rijetoni sezonin e fundit, bëjeni. Nëse nuk e doni, nuk do të fitoni, miqtë e mi”.
Gjërat nuk shkuan mirë. Manchester City u kualifikua në Champions League, por kampionatin e fitoi Arsenali, ndërsa pak më vonë Reijnders u largua nga Europa, duke zgjedhur Arabinë Saudite si destinacionin e tij të ri.
