Arabia Saudite njoftoi sot një kontribut prej 100 milionë dollarësh për projektet e koalicionit ndërkombëtar të drejtuar nga SHBA-ja për të stabilizuar verilindjen e Sirisë që ka qenë e pushtuar nga grupi Shteti Islamik (ISIS).
Marketing
Regjimi i presidentit sirian, Bashar Al Asad, që ka humbur kontrollin në këto rajone, e cilësoi këtë kontribut si moralisht të papranueshëm, sipas deklaratave të cituara nga agjencia zyrtare siriane e lajmeve “SANA”.
Mbretëria saudite theksoi se kontributi i saj është më i konsiderueshmi deri tani për këto zona në verilindje të Sirisë që janë nën kontrollin e forcave arabo-kurde të mbështetura nga koalicioni ndërkombëtar antixhihadist.
