Banka Botërore shpreh shqetësimin e saj për mundësinë që ekonomia globale të çohet në një recesion në vitin 2023, për shkak të “krizave të mëtejshme negative” të mundshme.
Në raportin e saj gjashtëmujor “Ëorld Economic Outlook” që pritet të publikohet të martën, Banka Botërore paralajmëron – sipas një raporti të Bloomberg për rrezikun e recesionit, duke vlerësuar se shtetet e vogla do të jenë veçanërisht të cenueshme.
Edhe pa një krizë tjetër, rritja globale këtë vit “pritet të ngadalësohet ndjeshëm, duke reflektuar shtrëngimin e fundit të politikës që synon të frenojë inflacionin shumë të lartë, përkeqësimin e kushteve financiare dhe trazirat e vazhdueshme nga pushtimi rus i Ukrainës”, thotë Banka Botërore.
“Përpjekje urgjente globale dhe kombëtare ” janë të nevojshme për të zbutur rrezikun e një recesioni të tillë si dhe borxhin në rritje në tregjet në zhvillim dhe ekonomitë në zhvillim, ku rritja e investimeve pritet të mbetet nën mesataren e dy dekadave të fundit, sipas bankës me bazë në Uashington.
“Është thelbësore që politikëbërësit në tregjet në zhvillim të sigurojnë që çdo mbështetje fiskale të fokusohet në grupet e cenueshme, që pritjet e inflacionit të mbahen nën kontroll dhe që sistemet financiare të mbeten elastike,” tha ai.
Kërkesa të ngjashme janë bërë nga bankierët qendrorë në mbarë botën, pasi ata rrisin në mënyrë agresive normat e interesit për të ulur presionet e çmimeve, ndërsa qeveritë mbështesin bizneset dhe familjet duke frenuar kostot e energjisë.
Drejtoresha Menaxhuese e Fondit Monetar Ndërkombëtar, Kristalina Georgieva, e nisi vitin 2023 me një paralajmërim se bota po përballet me “një vit të vështirë, më të ashpër se ai që po lëmë pas”. Një e treta e ekonomisë globale do të jetë në recesion sepse SHBA, BE dhe Kina po ngadalësohen në të njëjtën kohë, tha ajo për rrjetin amerikan CBS “Face the Nation” në një intervistë të transmetuar më 1 janar.
