Spanja i është bashkuar disa shteteve evropian për të mos përdorur Oxford-AstraZeneca personave që janë mbi 65 vjeç.
Ky vendim është marrë nga komiteti i shëndetit publik në Spanjë, i cili është i përbërë nga ekspertë të shëndetësisë të qeverisë qendrore dhe krahinave të vendit.
Komiteti i shëndetit publik do të shqyrtojë mundësinë për të kufizuar administrimin e vaksinës për personat deri në 55 vjeç.
Aktualisht 7 shtete europiane kanë vendosur të përdorin këtë vaksinë për personat deri në 65 vjeç, për shkak se nuk ka prova të mjaftueshme për efikasitetin e saj për grupmoshat e mëdha.
Gjermania e ka vendosur kufizimin në 65 vjeç, Polonia deri në 60 vjeç, ndërsa Italia deri në 55 vjeç. Megjithatë në Mbretërinë e Bashkuar vaksina është duke u përdorur rregullisht te të gjithë pacientët.
Doza të vaksinës AstraZeneca do të vijnë për përdorim edhe në Shqipëri, në kuadër të nismës COVAX.
