Një grua amerikane, 92 vjeçare ka vrarë djalin e saj 72 vjeçar, pasi ka kundërshtuar që të dërgohet në shtëpi të përkujdesit, ka thënë policia.
Anna Mae Blessing, e akuzuar për vrasje ka kundërshtuar synimet e djalit të saj për ta dërguar gruan në shtëpi të përkujdesit për ditë të tëra, thuhet në dokumentet e gjykatës.
“Ti më more jetën, kshtu që unë po e marr tënden”, është raportuar të ketë thënë ajo teksa është larguar nga shtëpia e saj në Arizonë, në të cilën ka jetuar me djalin dhe të dashurën e tij.
Blessing i ka thënë policisë se ajo ka dashur të kryjë edhe vetëvrasje.
Incidenti ka ndodhur në mëngjesin e 2 korrikut në zonën Fountain Hills, është raportuar të ketë thënë policia lokale.
Djali i Blessing, identiteti i të cilit nuk është bërë publik, ka pasur qëllim të dërgojë nënën e tij në një shtëpi të përkujdesit, sepse është bërë “e vështirë jetesa me të”.
Policia ka njoftuar se nëna ka qëlluar djalin e saj me dy plumba, në qafë dhe fyt.
Blessing më pas ka drejtuar armën tek e dashura e djalit të saj, mirëpo ajo ka arritur t’i ndryshojë drejtimin armës.
Ajo është akuzuar për vrasje të shkallës të parë dhe kidnapim derisa pagesa për lirim me kusht i është caktuar të vlerë të 500,000 dollarëve.
