Ushtria izraelite ka thënë se një breshëri e raketave janë lëshuar nga Libani për pasi policia izraelite sulmoi palestinezët brenda xhamisë Al-Aksa të Jerusalemit për natën e dytë me radhë.
Sirenat paralajmëruese kishin rënë në qytetin Shlomi dhe në Moshav Betzet në Izraelin verior, tha ushtria. Kjo ishte raketa e parë që u lëshua nga Libani drejt Izraelit që nga prilli i kaluar.
Ushtria izraelite më vonë postoi në Twitter se 34 raketa ishin lëshuar nga Libani, 25 nga ato ishin ndaluar dhe të paktën katër kishin shpërthyer në Izrael.
Sulmi me raketa u pasua nga një shpërthim artilerie izraelite përtej kufirit, tha Agjencia Kombëtare e Lajmeve e Libanit por pa raportuar për ndonjë viktimë.
Sipas raportimeve libaneze, artileria izraelite gjujati “disa predha nga pozicionet e saj në kufi” drejt periferisë së dy fshatrave pas lëshimit të raketave të tipit Katyusha në Izrael.
Ushtria izraelite, megjithatë, i tha AFP se nuk ishte hakmarrë. Një zëdhënës ushtarak izraelit për sulmin e fajësoi grupin palestinez Hamas në Liban.
Avichay Adraee tha gjithashtu se qeveria libaneze ishte përgjegjëse për çdo raketë të lëshuar nga territorit i saj.
“Ne po hetojmë mundësinë e përfshirjes së Iranit në sulmin me raketa nga Libani”, shtoi Adraee në Tëitter.
Më herët, burime të sigurisë i kishin thënë agjencisë së lajmeve Reuters se raketat ishin lëshuar nga fraksionet palestineze dhe jo nga grupi libanez Hezbollah, shkruan AlJazeera.
