Sipas të dhënave të fundit nga autoritetet vendase, viktimat nga vala e motit të keq që goditi Italinë dhe veçanërisht Toskanën janë gjashtë, ndërsa dy të tjerë rezultojnë të zhdukur.
Mediat raportojnë se në Italinë qendrore, 20 mijë familje mbeten pa energji elektrike, ndërsa shumë shkolla do të mbeten të mbyllura kryesisht për shkak të përmbytjeve të shumta në rrugë dhe kate përdhese.
Ndërkohë, në Liguria me kryeqytetin e Xhenovas, për shkak të stuhive të detit, i cili ka dallgë shumë të mëdha, guvernatori i rajonit Giovanni Totti u kërkoi banorëve të mos i afroheshin bregdetit.
Unioni i Industrialistëve të Toskanës, nënjë vlerësim të parë të pasojave të motit të keq, nënvizoi se në të gjithë strukturën prodhuese të rajonit janë shkaktuar dëme serioze.
