Pas shkarkimit të kryetares Vesna Dameva gjatë ditës së mërkurë, Këshilli Gjyqësor sot në seancë në ora 11:00 duhet ta zgjedhë kryetarin e ri.
Shkarkimi i Damevës vjen pas refuzimit të saj për ta vendosur në rend dite letrën e ambasadores amerikane, Angela Ageeler, ndërsa kjo u iniciua nga zëvendësi, Selim Ademi, propozim që për disa orë kishte mbështetjen e 7 anëtarëve nga gjithsej 13 anëtarët e Këshillit.
Fillimisht pritej se pasardhësi i Damevës do të zgjidhet menjëherë pas shkarkimit të saj, por nënkryetari i Këshillit, Selim Ademi të enjten kërkoi që përzgjedhje të shtyhej për disa ditë për shkak të rëndësisë së çështjes.
Për shkarkimin e Damevës, por edhe për gjendjen e përgjithshme në gjyqësor reaguan presidenti Stevo Pendarovski, Ministria e Drejtësisë, deputetë në Kuvend, Komisioni Anti-korrupsion si dhe ekspertë juridikë. Shkarkimi i Damevës edhe për ekspertët e gjyqësorit paraqet shpërfillje të procedurës dhe të Rregullores së punës.
