Arafat Muharremi do të shkarkohet nga posti i drejtorit të Policisë Financiare, mëson Infomax jozyrtarisht, pasi ndaj tij është ngritur kallëzim penal nga Prokuroria e Shtetit për shoqërim me qëllim rëndimin e konfiskimit të pasurisë në çështjen “Trust” ndaj Sead Koçës. kompani.“.
Sipas Infomax, Arafat Muharremi në një bisedë telefonike me kryeministrin Dimitar Kovaçevski ka pranuar kërkesë që menjëherë të jep dorëheqje të parevokueshme nga pozita e drejtorit të Policisë Financiare, në të kundërtën nëse nuk e bën këtë do të shkarkohet nga Qeveria që e emëron.
Arafat Muharremi në rastin “Trust”, së bashku me prokurorët Artan Ajro dhe Gavril Bubevski, kanë mundësuar bartjen e pronës së “Transmet” personave të tretë në mënyrë që gjykata të mos mund ta konfiskojë pasurinë.
Ajo që mbeti për konfiskim ishte prona e “TV Nova” e cila ishte e ngarkuar me detyrime të barabarta me vlerën e pasurisë, kështu që Sead Koçani arriti të shmangë konfiskimin. Muharremi para kësaj detyre ishte hetues në Prokurorinë Speciale. Ai është kuadër i emëruar nga LSDM.
