Policia e Kosovës, me autorizimin e Prokurorisë Themelore në Prizren, ka bërë kërkesë ndaj qytetarëve për bashkëpunim në mënyrë që të gjendet personi i gjinisë femërore, NN.
Përmes një njoftimi në faqen zyrtare të PK-së në Facebook, është thënë se e dyshuara kërkohet për veprën penale “Falsifikim i parasë”.
Tutje në postimin e PK-së, kërkohet nga qytetarët e Kosovës që kushdo që ka informacion për vendndodhjen e personit të dyshuar të lajmërojë PK-në.
Postimi i plotë:
Kërkesë për bashkëpunim
Prizren, 10 qershor 2022
Policia e Kosovës – Drejtoria Rajonale e Policisë në Prizren, me autorizimi të Prokurorisë Themelore në Prizren, bazuar në ligjin për publikimin e fotografive me qëllim të identifikimit të personit, e me qëllim lokalizimin dhe rrjedhimisht arrestimin e tij, lëshon:
Kërkesë për bashkëpunim me qytetarët;
Personi i kërkuar është:
NN, i gjinisë femërore
E dyshuara kërkohet për veprën penale sipas autorizimit të Prokurorisë Themelore në Prizren: Falsifikim i parasë nga neni 296, paragrafi 2 i Kodit Penal të Republikës së Kosovës.
Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkëngjitur, të lajmërojë Policinë e Kosovës apo të lajmërohet në stacionin më të afërt policor.
Numrat e telefonit dhe adresat elektronike kontaktuese për të kontaktuar Policinë e Kosovës:
192 (pa pagesë) 038-5080-6000, Drejtoria Rajonale – Prizren, 038-5080-6121 Stacioni Policor – Prizren – E-mail adresa: [email protected].
