Mërgim Mavraj është një nga shtyllat e kombëtares sonë kuqezi. Ai ka mbyllur një sezon problematkc në Bundesliga, teksa u përzu nga skuadra e parë e Hamburgut për te të rinjtë dhe tashmë duhet të gjejë një “strehë” tjetër për të vazhduar karrierën. Si një besimtar musliman i devotshëm, Mavrajn e kemi parë gjatë pushimeve edhe në Mekë, por asnjëherë në plazh, me një femër përkrah, siç ndodh rëndom me futbollistët e tjerë, që janë në qendër të vëmendjes.
Siç thotë edhe “Prive.al”, për jetën e tij private flitet fare pak. Por, ky medium kosovar, me qasje në këtë drejtim, thotë se ka zbuluar të reja për qendërmbrojtësin kuqezi. Ja shkrimi i plotë i “Prive.al”: “Ndonëse aktiv në rrjete sociale, ku ndan detaje nga përditshmëria e tij dhe familja, futbollistin Mërgim Mavraj nuk e kemi parë krah një femre. Sidoqoftë, kjo s’do thotë që nuk ka pasur risi në këtë pjesë. Tash e një kohë të gjatë, futbollisti është në një lidhje me një gjermane. “Raporti i tyre ekziston që disa vite”, – i ka thënë burimi në fjalë “Prive.al”. Ne kemi arritur ta sigurojmë edhe një foto ekskluzive të çiftit, të cilën ua sjellim më poshtë. Lajm jo shumë i mirë ky për fanset e futbollistit”.
Ndërkohë, në vitin 2016, pak para Europianit të Francës, Mërgim Mavraj, i pyetur nga “Bild” nëse ka një të dashur, është përgjigjur: “Jo! Ka shumë gra të shkëlqyera. Por, është gjithashtu po aq e vështirë të gjesh atë të duhurën. Unë jam shqiptar, i rritur në Gjermani. Unë mendoj si gjerman, por kultura ime shqiptare nuk më lë të qetë”.
