Ministrat e Jashtëm të G20 po marrin pjesë në një samit të përbashkët në ishullin indonezian Bali, mes tensioneve mes Perëndimit dhe Rusisë për Ukrainën.
Ministri i Jashtëm rus, Sergei Lavrov, ishte i pranishëm, pavarësisht kundërshtimeve nga udhëheqësit perëndimorë dhe japonezë. Ministri i Jashtëm japonez, Yoshimasa Hayashi, nuk mori pjesë në pritje, në shenjë proteste ndaj pranisë së Lavrov.
Megjithatë, Ministria e Jashtme ruse tha se Lavrov do të largohej nga takimi herët, pasi të zhvillonte bisedime dypalëshe dhe t’i drejtohej shtypit.
Ministri i Jashtëm indonezian, Retno Marsudi, bëri thirrje për një fund të negociuar të luftës në Ukrainë, raporton DW, transmeton Klankosova.tv.
“Është përgjegjësia jonë për t’i dhënë fund luftës sa më shpejt dhe për t’i zgjidhur mosmarrëveshjet tona në tryezën e bisedimeve, jo në fushën e betejës”, tha Marsudi në hapjen e bisedimeve.
Disa ministra perëndimorë, duke përfshirë Ministren e Jashtme gjermane, Annalena Baerbock, dhe Sekretarin e Shtetit të SHBA-së, Antony Blinken, kanë përjashtuar mundësinë e takimit me kryediplomatin e Kremlinit. Ata bojkotuan një darkë të mbajtur të enjten në mbrëmje për shkak të pranisë së Lavrov.
