Kryediplomati i RMV-së, Bujar Osmani ka prezantuar sot përmes një konference tematike për media një platformë të re -“MKartë”- që ka të bëjë me identifikimin e personave të shquar nga diaspora e që kanë rol promovues të vlerave të shoqërisë jashtë vendit.
“Fillojmë me projekt të ri- #MKartë, me të cilën u japim mirënjohje personave dhe individëve të theksuar për angazhimin e tyre jo vetanak dhe promovimin e Republikës së Maqedonisë së Veriut jashtë vendit. Do të krijojmë rrjet të qytetarëve tanë të suksesshëm dhe platform për tërheqjen dhe përfshirjen e tyre thellë në rrjedhat tona shoqërore”, ka shkruar Osmani në fb.
Osmani ishte aktiv edhe gjatë procesit të regjistrimit të diasporës- që është në process e sipër, me takime direkte me to. Ndërsa, ky projekt i radhës shënon hapa para në afrimin e diasporës dhe e bën këtë të fundit të jetë protagoniste dhe jo shikuese e proceseve shoqërore dhe politike në vend.
