Mbrëmja e së shtunës kishte shkrirë dhe kishte bërë bashkë dy nga programet më të ndjekura të ABC: ‘Soiree’ dhe ‘Kosherja’. Kur politika hesht, njerëzit argëtohen dhe për shkak të heshtjes zgjedhore, aktorët e ‘Kosheres’ vendosën të vijnë në një tjetër formë.
Moderatorja e emisionit, Jonida Shehu, ishte përballë një sfide me aktorin e njohur, Besmir Bitraku, me të cilin duhet të shkëmbente pyetje të vështira. Në rast se ata nuk përgjigjeshin, ishin të detyruar të pinin shotsa.
Besmir Bitraku i ka thënë Jonidës se nëpër korridoret e televizionit përflitet se ajo është moderatorja më e paguar në ABC dhe më tej e ka pyetur nëse është ë vërtetë dhe sa e kishte rrogën.
“Unë nuk e them rrogën vetë, po nuk e thanë ata të tjerët që të kuptojmë realisht a jam unë më paguara apo jo. Kështu që, gëzuar”,- u përgjigj Jonida duke mos dashur që të jepte një përgjigje.
Jonida Shehu, që prej fillimit të sezonit të ri televiziv, u bë pjesë e ABC duke moderuar edicionin qendror të lajmeve me informacionet më të fundit në vend, rajon dhe botë, por edhe me të ftuar të ndryshëm në studio.
