Ministria e Punëve të Brendshme dje në kuadër të aksionit operativ “Leje” zbatoi kontroll të përforcuar në territorin e tërë shtetit të automjeteve me të cilat bëhet transport publik i udhëtarëve.
Marketing
“Janë kontrolluar 576 autobusë dhe automjete tjera, me të cilat bëhet transporti publik, ndërsa parregullsi u konfirmua te 60 automjete. Automjetet janë përjashtuar nga komunikacioni dhe do të vijojnë padi adekuate”, kumtoi zëdhënësi i MPB-së, Toni Angelovski.
Nga ana e inspektorëve të Inspektoratit shtetëror për komunikacion rrugor dhe inspektorëve të vetqeverisjes lokale, të cilët po ashtu kanë marrë pjesë në kontrollin, janë ndërmarrë 18 masa për shkak të kryerjes së transportit pa licencë.
