Nxënësit e shkollave të mesme në Komunën e Tetovës dhe Gostivarit, nesër duhet të kthehen në bankat e shkollës, thuajse dy vjet pas zhvillimit të procesit arsimor në formë onlajn.
“Qeveria vendosi që mësimi në shkollat e mesme në Tetovë dhe Gostivar të ndiqet online deri më 20 shtator”, kishin vendosur në seancën e 106-të të Qeverisë së Maqedonisë së Veriut.
Ndryshe, mësimi onlajn kishte filluar në të gjitha qytetet me prani fizike, përveç në Strugë, Kërçovë, Gostivar dhe Tetovë. Më 14 shtator Qeveria vendosi që mësimi të vazhdojë akoma onlajn vetëm për nxënësit e Tetovës dhe Gostivarit.
Ky vendim ishte si masë për të zvogëluar përhapjen e infektimeve me Covid-19, pasi këto dy qytete gjatë periudhës së fundit ishin nga më të prekurat nga ky virus.
