Një avion i kompanisë Delta që fluturonte nga Atlanta në Barcelonë, u detyrua të kthehej pas dhe të bënte një ulje “emergjente” për shkak të një problemi shumë të pazakontë. Mediat amerikane, duke cituar një fragment audio të pilotit të publikuar në rrjetet sociale, flasin për një “problem të rrezikut biologjik”. Bëhet fjalë për një pasagjer fatkeq i cili kishte probleme me zorrët dhe kishte nevojë për ndihmë, pasi po përjetonte një diarre të rëndë.
Sipas audios pasagjeri nuk kishte mundur të përmbahej dhe si pasojë kishte “jashtëqitje dhe një erë të keqe të padurueshme” në kabinë, tha një pasagjer për El Mundo.
“Është një problem i rrezikut biologjik. Kemi një pasagjer që është sëmurë dhe na kërkohet të kthehemi prapa” tha piloti gjatë bisedës me radio me kullën e kontrollit.
