Gjashtë vjet pas largimit për tek Manchester United, Paul Pogba nis sërish aventurën me Juventus. Ai mbërriti të premten në Torino nga pushimet në Miami. Ndërsa mëngjesin e kësaj të shtune ai u prit nga mijëra tifozë në qendrën mjekësore të klubit.
Marketing
Ai u paraqit pa shaminë e zakonshme në kokë, por për tifozët e tij italianë u shfaq me flokë biondë duke marrë ovacionet e të gjithë të pranishmëve.
Pasi të kalojë ekzaminimet mjekësore do të firmosë kontratën trevjeçare me 8 milionë Euro në sezon plus bonuse. Francezi do të veshë fanellën me numrin 10 të lënë nga Dybala.
