SHBA tashmë është një nga vatrat kryesore të koronavirusit, ndërsa numri të infektuarve dhe viktimave është duke u rritur me ritme të shpejta.
Ndërkohë, kryeministri Edi Rama ka publikuar sot një video, ku jepet situata aktuale e përballjes së Nju Jork me koronavirusin. Krehas video Rama shkruan “Pa koment”.
Në kronikën e përgatitur nga gazetarët amerikanë, thuhet se spitalet në Nju Jork për shkak të numrit të lartë të viktimave, po i transportojnë trupat e pa jetë me kamionë me frigoriferë.
“Ndërsa numri i viktimave rritet në qytetin e Nju Jorkut, për shkak të shpërthimit të Covid-19, disa spitale kanë marrë masa të dëshpëruara, për të përballuar dallgën e egër. Trupat e viktimave të Covid-19 janë parë duke u ngarkuar në një kamion me frigorifer, duke përdorur një vinc, jashtë Qendrës Spitalore të Bruklinit këtë fundjavë, ndërsa numri i të vdekurve të qytetit tashmë ka kaluar 1000 vetë. Agjencia e lajmeve britanike the Independent raportoi se arsyeja e përdorimit të këtyre kamionëve ishte nga pamundësia e spitaleve për të mbajtur numrin e shtuar të kufomave, në morgun e tyre. Deri të hënën, më shumë se 66 mijë njerëz, kanë rezultuar pozitivë në Nju Jork, dhe 1218 prej tyre vdiqën, për shkak të virusit”, thuhet në kronikën e shpërndarë nga Rama.
