Që nga sot përsëri do të hapen tregjet e gjedheve në të gjithë vendin, të cilat u mbyllën më 20 mars të këtij viti, si pjesë e masave parandaluese të qeverisë kundër KOVID-19.
Sipas vendimit të marrë nga Agjencia e Ushqimit dhe Veterinarisë (AUV), lëvizja e dërgesave me kafshë mund të bëhet vetëm nëse kafshët janë të identifikuara drejtë dhe të shoqëruara me certifikatë të vlefshme shëndetësore, nëse transportohen direkt në thertore, në qendrat e grumbullimit ose në vendet ku ruhen që i plotësojnë kushtet e sigurisë për bio.
Ndalohet vendosja e derrave në qarkullim në tregjet e gjedheve, ndërsa puna duhet të rregullohet në përputhje me masat e Qeverisë dhe rekomandimet e Ministrisë së Shëndetësisë.
“Përpara ngarkimit dhe pas shkarkimit të kafshëve, mjetet e transportit duhet të pastrohen dhe dezinfektohen siç duhet, për të cilat lëshohet një certifikatë nga kompania e autorizuar veterinare. Para dhe gjatë transportit, kafshët nuk duhet të vijnë në kontakt me kafshë me gjendje të panjohur shëndetësore dhe në të gjitha fazat e lëvizjes (ngarkimi, transporti, shkarkimi dhe manipulimi tjetër me kafshët) duhet të respektohen të gjitha masat e Qeverisë së Republikës së Maqedonisë së Veriut dhe rekomandimet e Ministrisë së Shëndetësisë në lidhje me parandalimin e përhapjes së KOVID 19 tek njerëzit. Kafshët që zbulohet se janë në qarkullim pa certifikatë të gjendjes së tyre shëndetësore, ose të cilat nuk janë identifikuar, do të konfiskohen, vriten dhe hiqen në mënyrë të padëmshme, pa kompensim për dëmin, gjegjësisht, në shpenzim të mbikëqyrësit”, thekson AUV.
Sipas Agjencisë, të gjithë pjesëmarrësit në shërbimin veterinar duhet të informohen rregullisht dhe t’i ndjekin masat e marra nga Qeveria dhe rekomandimet e Ministrisë së Shëndetësisë.
“Shoqëritë veterinare duhet të informohen rregullisht dhe t’i ndjekin konkluzionet e Qeverisë dhe rekomandimet e Ministrisë së Shëndetësisë. Aktivitete nuk duhet të kryhen në ferma ku ka njerëz që janë në vetizolim, ndërsa aktivitetet në fushën e kujdesit shëndetësor dhe mirëqenies së kafshëve në vendbanime ku ka njerëz të infektuar me virusin KOVID 19 të lihen të fundit, pra në këto zona, aktivitetet veterinare të këtij lloji do të zbatohen kur rreziku i KOVID 19 nuk do të ekzistojë”, shton Agjencia e Ushqimit.
