Shakira ndezi finalen, por mosha e saj i la të gjithë pa fjalë
Shakira mahniti miliona shikues me performancën e saj spektakolare gjatë pushimit të finales së Kampionatit Botëror, por në rrjetet sociale shumë shpejt nisi të diskutohej për diçka krejt tjetër – moshën e saj.
Këngëtarja kolumbiane performoi gjatë programit të pushimit të finales në stadiumin “MetLife” në Nju Xhersi dhe dëshmoi edhe një herë pse konsiderohet një nga yjet më të mëdha në botë.
Shakira u paraqit me një kostum mbresëlënës në ngjyrë të verdhë dhe rozë, i cili theksonte linjat e saj trupore. Ajo interpretoi zbathur hitin e saj të ri “Dai Dai”, e shoqëruar nga valltarët dhe një koreografi tërheqëse, duke e mahnitur publikun me energjinë e saj.
Pas performancës, rrjetet sociale u mbushën me reagime nga admiruesit, të cilët nuk mund ta besonin se sa e re dukej këngëtarja.
“Ma shpjegoni sikur të isha një fëmijë pesëvjeçar se si Shakira duket sikur është 30 vjeçe, kur në fakt është 49. E pabesueshme!”, shkroi një përdorues në platformën X.
Një tjetër tha se “refuzon të besojë se Shakira është 49 vjeçe”, ndërsa një përdorues tjetër pranoi se ishte detyruar ta kontrollonte moshën e saj në Google.
Disa spekuluan se trajtimet moderne dhe suplementet ushqimore mund të jenë arsyeja e pamjes së saj, ndërsa shumica vlerësuan se këngëtarja thjesht duket fantastike dhe se vitet thuajse nuk vërehen tek ajo.
Shakira është nënë e dy djemve, Milanit 13-vjeçar dhe Sashës 11-vjeçar, të cilët i ka me ish-futbollistin Gerard Piqué.
Përveç saj, në programin e finales u paraqitën edhe Justin Bieber, Madonna dhe BTS, ndërsa Post Malone, Nicole Scherzinger, Jennifer Hudson, Robbie Williams dhe Laura Pausini morën pjesë në ceremoninë e mbylljes.
Finalen nga tribunat e ndoqën edhe shumë personalitete të njohura, mes tyre Tom Cruise, Timothée Chalamet, Kylie Jenner, Matt Damon dhe Adrien Brody.
Megjithatë, pavarësisht listës mbresëlënëse të yjeve, momenti më viral i mbrëmjes i takoi Shakirës, paraqitja e së cilës u bë temë kryesore në rrjetet sociale. / Aktuale.mk
