Spanja ka arritur një fitore shumë të vështirë kundër Iranit. Në këtë ndeshje Irani tregoi se do ti bëj shumë problem Portugalisë në ndeshjen e tretë nëse luan një ndeshje të këtillë.
Spanja ka arritur fitoren e parë në Botëror më shumë vështirësi ndaj një Irani që i bëri shumë problem kampionit të para tetë viteve.
Një pjesë e parë më shumë sulme të Spanjës por më një organizim perfekt të Iranit në mbrojtje bëri që ajo të përfundojë më rezultat të barabartë 0-0.
Megjithatë, gjatë kësaj pjese disa herë Diego Costa u tregua i papërshtatshëm për iranianët dhe ishte njëri prej lojtarëve më të rrezikshëm të Spanjës.
Pjesa e dytë filloi me të njëjtin intensitet si pjesa e parë. Goli erdhi në minutën e 54’të të ndeshjes dhe ishte një gol qesharak që në fillim u mendua që është autogol.
Ishte pikërisht Diego Costa ai që shënoi por vetëm pasi topi ishte goditur nga një mbrojtës iranian. Topi përfundoi në gjurin e Costa dhe nga gjuri i tij në rrjetën e portierit Beiranvand.
Pas pësimit të golit Irani kishte disa raste të mira për shënim, madje edhe shënoi në minutën e 62’të me Ezzatollahin, por pas shikimit të VAR goli u anulua për shkak se ishte në pozitë jashtë loje.
Spanja filloi ta kontrolloi ndeshjen pasi minutës së 80 duke e qarkulluar topin në mesfushë dhe kështu arriti ta ruaj epërsinë minimale në këtë ndeshje.
