Rusia e di se do të ketë pasoja të rënda nëse armët bërthamore përdoren në Ukrainë, tha të premten sekretari i përgjithshëm i NATO-s, Jens Stoltenberg.
“Ata e dinë se do të ketë pasoja të rënda. Nuk do të elaboroj saktësisht se si do të reagojmë, kjo varet se çfarë lloj armësh të shkatërrimit në masë mund të përdorin”, tha ai.
“Ne po i dërgojmë këto mesazhe dhe po e bëjmë të qartë për të parandaluar që kjo të ndodhë”, tha Stoltenberg për CNN.
“Gjëja është, mundësia e ndonjë përdorimi të armëve bërthamore është ende e ulët, por pasojat e mundshme janë kaq të mëdha, kështu që ne duhet ta marrim këtë seriozisht. Dhe retorika, kërcënimet që presidenti Putin bën vazhdimisht rrisin tensionet, janë të rrezikshme dhe të pamatura”, përfundoi Stoltenberg.
